काठमाडौं । बझाङमा जिप दुर्घटना हुँदा दुईजनाको मृत्यु भएको छ । ६ जना घाइते भएका छन् । दुर्घटनामा केदारस्युँ गाउँपालिका ७ काँडाचौरका पविता धामी र गोपाल धामीको मृत्यु भएको प्रहरीले जनाएको छ ।
बुधबार विहान केदारस्युँ गाउँपालिका ७ काँडाचौरमा सु.प.प्र.०१–००१ च ४३७६ नम्बरको जिप दुर्घटना भएको हो ।
दुर्घटनामा केदारस्युँ गाउँपालिका–७ का ४५ वर्षीय प्रेमबहादुर धामी, ३२ वर्षीय रमेश धामी, २६ वर्षीय रमेश धामी, दुर्गाथली गाउँपालिका–६ की ४२ वर्षीया शारदा धामी जाग्री र सोही ठाउँका ४२ वर्षीय रामकुमार धामी गम्भीर घाइते भएका छन् । केदारस्युँ गाउँपालिका–७ की २२ वर्षीया रेखा धामी सामान्य घाइते छन् ।
प्रहरीका अनुसार जिपको ब्रेकफेल भइ सडकबाट एक सय मिटर तल खसेको थियो ।
प्रकाशित मिति: १८ कार्तिक २०८३, बुधबार









